David Luiz kom inn í kjölfarið á brotthvarfi Laurent Koscielny til Bordeaux. Luiz var því framarlega í goggunarröðinni með byrjunarliðssæti og byrjaði annan leikinn í deildinni fyrir Arsenal.

Luiz skoraði á sunnudag sigurmark Arsenal gegn Bournemouth á heimavelli og í gær tjáði hann sig um vistaskiptin í sumar.

„Mér líkaði alltaf vel hjá Chelsea. Mér fannst samt kominn tími á nýja sögu en ég verð alltaf þakklátur áranna hjá Chelsea."

„Þetta var mín ákvörðun eftir heiðarlegt samtal við Frank Lampard (stjóra Chelsea)."

„Við sáum hlutina ekki eins og þess vegna skipti ég um lið. Þetta er alltaf erfitt vegna þess að þessi lið eru nágrannar og fjendur. Ég var samt búinn að ákveða að fara áður en Arsenal kom með tilboð."

„Nokkrum dögum eftir mína ákvörðun kom Arsena með tilboð og ég hikaði ekki við að fara," sagði David Luiz við TalkSport.