Hareide ánægður með endurkomu Arons - „Mjög mikilvægt"
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Aron Einar Gunnarsson er mættur aftur í landsliðið en hann hefur ekki verið með í undanförnum landsleikjum.
Hann hefur spilað alla þrjá leiki Al-Gharafa í Meistaradeild Asíu og landsliðsþjálfarinn Age Hareide er virkilega ánægður að Aron, með sína leiðtogahæfni, sé kominn aftur.
Landsliðshópurinn - Aron með en ekki Gylfi
„Ég var i góðu sambandi við Aron. Hann hefur lagt hart að sér til að jafna sig af meiðslum og hann hefur spilað í Meistaradeild Asíu og allt virðist vera í góðu. Tölurnar eru góðar svo vonandi er hann klár í slaginn," sagði Hareide.
„Það er mjög mikilvægt að vera með reynslumikinn leikmann, einn af hans styrkleikum er samskiptahæfnin."
Hareide sér hann fyrir sér sem miðvörð í þessu verkefni en Ísland mætir Svartfjallalandi og Wales í Þjóðadeildinni en báðir leikirnir fara fram ytra.
