Mynd: EPA

Veiga, sem á 21 árs afmæli síðar í mars, er kominn með 8 mörk og 3 stoðsendingar í 23 deildarleikjum það sem af er tímabils.

Veiga er sóknarsinnaður miðjumaður og á sjö leiki að baki fyrir yngri landslið Spánar, þó aðeins einn fyrir U21 liðið.

Það er 40 milljón evra söluákvæði í samningi hans og greinir Fabrizio Romano frá því að miðjumaðurinn verði ekki seldur fyrir minna heldur en þá upphæð.

Veiga er samningsbundinn Celta til 2026 og á 42 leiki að baki fyrir félagið.

Celta er aðeins búið að skora 26 mörk í 24 leikjum það sem af er tímabils í spænsku deildinni og hefur Veiga átt beinan þátt í tæplega helmingnum.

Veiga gæti veitt samkeppni um stöður á miðjunni og aukið breiddina hjá Man Utd eða Arsenal, en fleiri félög eru einnig að fylgjast með honum.