Mason Greenwood, leikmaður Manchester United, skoraði annað mark liðsins í dag í 3-1 sigrinum gegn Aston Villa.
Greenwood átti góðan leik og var líflegur í sóknarlínu Manchester United. Hann kom United yfir í síðari hálfleiknum með smekklegu marki.
Hann fór þá illa með Tyrone Mings, varnarmann Aston Villa, áður enn hann þrumaði knettinum í nærhornið. Hann var síðan tekinn af velli fyrir Edinson Cavani sem skoraði þriðja mark United.
Þetta mark hjá Greenwood var númer 16 fyrir Manchester United í ensku úrvalsdeildinni. Hann hefur nú bætt met Wayne Rooney yfir flest mörk skoruð fyrir United sem táningur.
Greenwood er 19 ára gamall en hann verður tvítugur þann 1. október.
Mason Greenwood overtakes Wayne Rooney to score the most Premier League goals for Manchester United as a teenager (16) 🧨 pic.twitter.com/hzxxtouAub
— utdreport (@utdreport) May 9, 2021
Athugasemdir