Fótbolti.net

Sölvi: Við gerðum okkar og nú vonar maður að þeir geri sitt

Venni: Ef þetta eru lög þá þarf að óska eftir lagabreytingu

Benoný Breki: Ég þarf að halda áfram að vera jákvæður

„Það er ekkert lið á Íslandi svona gott"

„Ég skoraði nokkur svona á hana á Hlíðarenda"

„Mér finnst rauður fara henni betur"

Séra Davíð Þór fer yfir viðburðaríka mánuði í Skírisskógi - „Stórhættulegur brandari“

Enski boltinn - Horfðu á þáttinn í mynd

„Jói er Breti og ég elska Breta“

„Viðurkenni að það er erfitt að sjá eftir svona mörgum leikmönnum“

Evrópuævintýri Blika heldur áfram - „Tekur alltaf tíma að koma með nýjar áherslur“

„Segir ekki nei þegar Víkingur vill fá þig“

„Viljum ekki fylla í hópinn bara með hveiti heldur þurfum við einhver krydd“

Gummi Magg: Erum mættir til að skrifa söguna

Böddi um skiptin óvæntu: Var ekki í tilfinningalegu jafnvægi

Arnór Gauti: Mun aldrei gleyma lokaflautinu á Laugardalsvelli

Sameiningaviðræður ÍR og Leiknis: Sumir láta hreinlega tilfinningarnar ráða

Gylfi Tryggva: Höfum sótt einn leikmann innanlands og það var landsliðsmaður

Óskar Smári: Klúbburinn hefur þróast í rétta átt

Markadrottningin komin heim: Voru möguleikar úti en Breiðablik besti kosturinn

mið 10. janúar 2018 16:10

Elvar Geir Magnússon

Viðtal frá Indónesíu - Rætt við Heimi og Ólaf Inga

Ólafur Ingi á æfingu í Indónesíu.

Mynd: KSÍ - Óskar Örn Guðbrandsson

Heimir stýrir æfingu í Indónesíu.

Mynd: KSÍ - Óskar Örn Guðbrandsson

Ólafur Ingi Skúlason er reynslumesti leikmaðurinn í íslenska landsliðshópnum sem er í Indónesíu og mætir heimamönnum á morgun í fyrri vináttulandsleik þjóðanna.

Hann segir að aðstæður í Indónesíu séu allt aðrar en leikmenn Íslands eigi að venjast.

„Þetta er mjög forvitnilegt og allt öðruvísi en við erum vanir. Þetta var langt ferðalag og það er mikill hiti og raki. Þetta er öðruvísi en við erum vanir. Ég hef aldrei upplifað Indónesíu áður og þetta er spennandi," segir Ólafur.

Hann og Heimir Hallgrímsson, landsliðsþjálfari, spjölluðu við Óskar Örn Guðbrandsson, fjölmiðlafulltrúa KSÍ, í Indónesíu.

„Þetta hafa verið fínar æfingar, allir með og enginn meiddur. Við þjálfararnir erum mjög ánægðir með strákana á þessum æfingum. Svo sjáum við hvernig orkan í mönnum verður í leiknum á morgun en það er mjög auðvelt að tapa orku í svona veðri," segir Heimir.

Það má kalla þessa Indónesíuferð B-landsliðsverkefni en þarna eru leikmenn sem eru að banka á dyrnar hjá landsliðinu.

„Það eru margir með okkur í fyrsta skipti og mikið sem við ætlum að kenna á stuttum tíma. Það er alltaf erfitt og fundirnir geta verið langir. Ég vona að þetta skili sér. Mér fannst á æfingunni í dag að menn væru búnir að taka inn það sem við höfum farið yfir," segir Heimir.

„Við erum alltaf að leita að leikmönnum sem passa í liðsheildina okkar. Við höfum alltaf lagt mikið upp úr sterkri liðsheild. Þetta á bæði við um leikmenn sem eru sterkir og góðir utan vallar og inann hans. Svo viljum við líka leikmenn sem hafa eitthvað extra, geta kryddað hópinn og hafa eitthvað að bjóða fyrir utan það að vera góðir liðsmenn."

„Við búumst við því að úr þessum hópi hér verði fjórir til átta leikmenn með okkur í lokahópnum í Rússlandi. Það er undir þeim komið. Það er hálft ár þar til við förum til Rússlands og þetta er fyrsta skrefið fyrir marga."

Meðal leikmanna í hópnum eru strákar úr U21-landsliðinu og er Heimir spenntur að sjá hvernig þeir eru að þróast.

Viðtalið má sjá í heild sinni í sjónvarpinu hér að ofan.

Fyrri leikur Íslands í Indónesíu verður á morgun 11:30 en sá seinni verður á sunnudaginn.