Þó flestir leikvangar úrvalsdeildarinnar séu vel búnir til þess að takast á við veðrið er ekki víst að götur í kringum þá geti höndlað leikina. Ófærð gæti ógnað öryggi vallargesta.

Mirror segir að óttast sé að leik Leeds gegn Brighton á morgun gæti mögulega verið frestað. Skólum og mörgum fyrirtækjum hefur verið skellt í lás í borginni vegna veðursins.

Veðrið gæti líka haft áhrif á leik Leicester gegn Chelsea en á svæðinu er spáð miklu frosti í nótt sem gæti orsakað hálku á morgun.

Mikill snjór hefur líka gert það að verkum að skólum í Liverpool hefur verið lokað og óvissa ríkir um leik Everton gegn Brentford.