Arsenal er að vinna að því að lána franska miðvörðinn í ensku Championship-deildina.
Búið er að loka félagaskiptaglugganum en reglur segja til um það að félög í ensku úrvalsdeildinni megi enn versla við félög í neðri deildum Englands til 16. október.
Arsenal keypti hinn 19 ára gamla Saliba frá St. Etienne í fyrra fyrir 27 milljónir punda.
Hann hefur enn ekki spilað á þessu tímabili og var ekki valinn í 25 manna Evrópudeildarhóp Arsenal. Því þykir það nokkuð augljóst að hann sé ekki í plönum Mikel Arteta fyrir tímabilið.
Goal greinir frá því að Arsenal hafi rætt við nokkur félög í Championship-deildinni sem eru áhugasöm um að fá Saliba á láni. Talið er að eitt þeirra félaga sé Brentford en Arsenal mun vanda sig í að finna rétta staðinn fyrir Frakkann unga.
Athugasemdir