Það er aðeins einn leikur á dagskrá í íslenska boltanum í dag, þar sem Strákarnir okkar í U21 landsliði karla taka á móti Litháen í næstsíðustu umferð í undankeppni fyrir EM.
Ísland lenti í erfiðum riðli með Dönum, Wales og Tékkum en leikurinn gegn Litháum í dag er skyldusigur og heldur vonum Íslands um sæti á EM á lífi.
Ísland þarf sigur gegn Litháum í dag og þarf svo að krækja í frækinn sigur á Dönum í Danmörku á þriðjudaginn í næstu viku til að eiga möguleika á sæti á EM. Þar mætast þjóðirnar í úrslitaleik en Dönum nægir jafntefli á meðan Ísland þarf sigur.
Útlitið hjá U21 landsliðinu í undanriðlinum var afar bjart þar til Strákarnir töpuðu báðum leikjum sínum gegn Wales naumlega.
Undankeppni EM
15:00 Ísland-Litháen (Víkingsvöllur)
Athugasemdir
