Kepa Arrizabalaga.
Kepa Arrizabalaga byrjar í marki Chelsea í kvöld þegar liðið mætir Barnsley í enska bikarnum. Kepa kom til Chelsea á 72 milljónir punda árið 2018 en hann var mikið gagnrýndur á síðasta tímabili og í byrjun þessa tímabils.
Edouard Mendy var keyptur til Chelsea í haust og Kepa hefur setið á bekknum hingað til á tímabilinu. Thomas Tuchel, stjóri Chelsea, hefur varað Kepa við því að ætla sér ekki of mikið í leiknum í kvöld.
Edouard Mendy var keyptur til Chelsea í haust og Kepa hefur setið á bekknum hingað til á tímabilinu. Thomas Tuchel, stjóri Chelsea, hefur varað Kepa við því að ætla sér ekki of mikið í leiknum í kvöld.
„Það er mjög mikilvægt fyrir mig að segja þetta. Hann þarf ekki að gera of mikið. Ég vil að hann spili eðlilegan leik. Hann þarf ekki að sýna mér eða öðrum að hann sé klár í að vera aðalmarkvörður spænska landsliðsins í sumar," sagði Tuchel.
„Hann þarf bara að sýna gæði sín. Ekki meira eða minna. Við þurfum að passa upp á væntingarnar. Ég er ekki að búast við að hann skori og haldi hreinu."
„Ég vil bara að hann hjálpi okkur með gæðum sínum og eigi flotta frammistöðu til að hjálpa liðinu. Hann er með stór persónuleg markmið og það er eðlilegt."
Athugasemdir
