Næstu dagar og vikur verða erfiðar fyrir hinn 19 ára gamla Bukayo Saka.
Saka átti frábært Evrópumót með Englandi. Fólk efaðist um hann en hann var fljótur að þagga niður í þeim röddum með flottri frammistöðu.
Hann kom inn á sem varamaður í úrslitaleiknum gegn Ítalíu í kvöld.
Hann fékk svo risastóra ábyrgð í vítaspyrnukeppninni. Hann var fimmtur á svið fyrir England og varð að skora. Hann gerði það ekki, Gianluigi Donnarumma varði frá honum.
Saka og liðsfélagar hans hafa orðið fyrir kynþáttafordómum í kvöld sem er mjög leiðinlegt.
Sky Sports stendur með Saka og ákvað að gefa honum tíu í einkunn fyrir leikinn í kvöld. Tíu af tíu mögulegum.
„Það á að vera lína hérna um það hvernig enska liðið bætti sig eftir innkomu hans og breytingu á kerfi. En það eina sem skal segja er að þegar allt var undir, þá steig 19 ára strákur - sem hafði varla spilað fyrir þjóð sína fyrir þetta ár og hefur aldrei tekið víti fyrir félagslið sitt - á punktinn á meðan reynslumeiri leikmenn stigu til hliðar. England hefði ekki átt að setja unglinginn nálægt þessum aðstæðum," er skrifað.
Verðskulduð tía svo ekki sé meira sagt!
Athugasemdir
