Ari fór meiddur af velli í fyrri leiknum.
Í dag fara fram síðari leikirnir í 3. umferð undankeppni Sambandsdeildarinnar. Víkingur mætir Lech Poznan í Póllandi klukkan 18:30 en Íslands- og bikarmeistararnir unnu fyrri leikinn 1-0.
Ef Víkingar ná að komast úr þessu einvígi þá mæta þeir að öllum líkindum Dudelange frá Lúxemborg í umspili Sambandsdeildarinnar, lokaumferðinni fyrir riðlakeppnina.
Ef Víkingar ná að komast úr þessu einvígi þá mæta þeir að öllum líkindum Dudelange frá Lúxemborg í umspili Sambandsdeildarinnar, lokaumferðinni fyrir riðlakeppnina.
Lestu um leikinn: Lech Poznan 4 - 1 Víkingur R.
Arnar Gunnlaugsson, þjálfari Víkings, var léttur á fréttamannafundi í Póllandi í gær en þar var hann í fyrstu spurður út í leikplan Víkinga fyrir leikinn.
„Ég læt þig bara fá leikáætlun okkar seinna í dag, svo þú getir séð hana og sýnt svo þjálfara Poznan," sagði Arnar og brosti.
Ari Sigurpálsson skoraði eina markið í fyrri leiknum, það var ansi laglegt. Hann fór svo meiddur af velli í seinni hálfleik. Arnar var spurður að því á fundinum í gær hvort Ari væri klár í slaginn fyrir seinni leikinn og svaraði því játandi.
Leikurinn í kvöld fer fram á Stadion Poznan og verður í beinni útsendingu á Stöð 2 Sport og í beinni textalýsingu á Fótbolta.net.
HÓPURINN
— Víkingur (@vikingurfc) August 11, 2022
🆚 @LechPoznan
@europacnfleague#conferenceleague #fotboltinet #vikeslechpoznan pic.twitter.com/tbeNINGHVG
Arnar Gunnlaugsson.
Athugasemdir
