Böðvar Böðvarsson var maður leiksins þegar FH gerði 1-1 jafntefli gegn Breiðabliki í Pepsi-deildinni í kvöld. Með jafnteflinu komst FH enn nær því markmið að landa titlinum.
Lestu um leikinn: FH 1 - 1 Breiðablik
Er hægt að byrja að óska FH-ingum til hamingju með Íslandsmeistaratitilinn?
„Þú getur alveg reynt að veiða mig í það en ég er með ströng fyrirmæli fyrir viðtalið. Svo ég ætla að spara yfirlýsingarnar," segir Böddi léttur.
„Ég held að stigið sé betra fyrir okkur en þá. Við fórum í leikinn vitandi það. Leikskipulagið snérist um að vinna leikinn en við vorum svo ógeðslega lélegir í fyrri hálfleik að ég held að við getum farið sáttir með stigið."
Hann lagði upp mark FH fyrir vin sinn Kristján Flóka Finnbogason.
„Ég var ágætlega sáttur með minn leik í dag. Ég náði stoðsendingu á minn mann. Miðað við söguna held ég að Flóka hafi þótt sérstaklega gaman að skora. Þetta var mikilvægt mark og ég er ánægður fyrir hans hönd."
Böddi vill ekki vera með neinar yfirlýsingar strax.
„Ég skal koma með alvöru hrokaviðtal við þig þegar þetta er komið í höfn."
Athugasemdir
