Stefán Teitur brjálaður við Willum - „Sagði einhver góð orð"

Stefán Teitur Þórðarson var allt annað en sáttur við Willum Þór Willumsson í fyrri hálfleik leiks Íslands og Wales, las yfir honum eftir að Willum missti boltann við vítateig Wales. Gestirnir keyrðu upp völlinn og sá Stefán Teitur engan annan kost í stöðunni en að sparka leikmann Wales niður og taka á sig gult spjald.

„Stöðvar skyndisókn hjá Wales og lætur svo Willum Þór heyra það eftir að flautið kom," skrifaði Stefán Marteinn Ólafsson á 28. mínútu í textalýsingu frá leiknum.

Gula spjaldið þýðir að Stefán verður ekki með gegn Tyrklandi á mánudag, hann er kominn í leikbann en áminningin í kvöld var hans önnur í Þjóðadeildinni.