Man Utd er á toppnum með þriggja stiga forskot á erkifjendur sína í Liverpool sem eru í öðru sæti. Þessi lið mætast næstkomandi sunnudag í leik sem beðið er með mikilli eftirvæntingu.

Það hefur ekki gerst oft á undanförnum árum að United sé á toppi deildarinnar. Tölfræðisnillingarnir hjá Opta segja frá því að þetta sé í fyrsta sinn síðan á lokadegi tímabilsins 2012/13 að United endi dag á toppnum eftir að hafa að minnsta kosti spilað 17 leiki.

Man Utd varð Englandsmeistari 2013 en það var síðasta tímabil Sir Alex Ferguson sem knattspyrnustjóra Man Utd.