Bournemouth 4 - 1 Leicester City
0-1 Jamie Vardy ('23 )
1-1 Junior Stanislas ('66 , víti)
2-1 Dominic Solanke ('67 )
3-1 Jonny Evans ('83, sjálfsmark)
4-1 Dominic Solanke ('87)
Rautt spjald: Caglar Soyuncu, Leicester City ('67)
0-1 Jamie Vardy ('23 )
1-1 Junior Stanislas ('66 , víti)
2-1 Dominic Solanke ('67 )
3-1 Jonny Evans ('83, sjálfsmark)
4-1 Dominic Solanke ('87)
Rautt spjald: Caglar Soyuncu, Leicester City ('67)
Leicester virðist bara ætla að kasta frá sér Meistaradeildarfótbolta á næstu leiktíð. Bournemouth tókst að koma til baka gegn Leicester í leik sem var að klárast og halda þannig lærisveinar Eddie Howe í vonina um að halda sér uppi.
Fyrr á tímabilinu var talað um það að Leicester væri mögulega eina liðið sem gæti stöðvað Liverpool í að verða Englandsmeistari. Leicester hefur hins vegar unnið einn af sex leikjum sínum frá því að enska úrvalsdeildin hófst aftur.
Leicester var með mikla yfirburði í fyrri háflleiknum gegn Bournemouth í dag komst sanngjarnt yfir á 23. mínútu þegar Jamie Vardy, hver annar, skoraði. Staðan var 1-0 í hálfleik.
Bournemouth, sem hefur gengið hörmulega frá því að deildin hófst aftur, vann sig hins vegar hægt og bítandi aftur inn í leikinn. Um miðjan seinni hálfleikinn átti sér stað ótrúlegur kafli í leiknum þegar heimamenn skoruðu tvisvar og komust yfir. Þegar Dominic Solanke komst Bournemouth yfir fékk Caglar Soyuncu, varnarmaður Leicester, að líta rauða spjaldið fyrir að sparka í Callum Wilson inn í markinu. Afar heimskulegt hjá honum.
Einum fleiri landaði Bournemouth sigrinum þægilega. Jonny Evans skoraði sjálfsmark á 83. mínútu og gerði Solanke út um leikinn með öðru marki sínu á 87. mínútu.
Lokatölur 4-1 og er Bournemouth núna þremur stigum frá öruggu sæti þegar þrjár umferðir eru eftir. Leicester er í fjórða sæti, en á morgun getur Manchester United farið upp fyrir bæði Leicester og Chelsea og upp í þriðja sæti.
Athugasemdir