Luke Rae leikmaður Gróttu var mjög sáttur eftir að liðið hans vann 4-2 sigur á Aftureldingu í kvöld.
Viðtalið er á ensku en verður þýtt í heild sinni hér fyrir neðan.
Lestu um leikinn: Grótta 4 - 2 Afturelding
„Þetta er frábært, að koma til baka eftir að hafa verið 1-0 undir í hálfleik, svo jöfnum við og lendum aftur undir 2-1. Það er virkilega erfitt að koma til baka í slíkum leikjum en miðið við vinnuna sem strákarnir leggja undir sig á æfingum þá kemur það mér ekki á óvart að við komum til baka í þessum leik."
Afturelding var yfir tvisvar í leiknum og Grótta jafnar leikinn ekki í 2-2 fyrr en 5 mínútur eru eftir af venjulegum leiktíma. Hvernig gerðist það þá að Grótta vann 4-2?
„Gott hugarástand. Mér fannst við vera með gott hugarástand í fyrri hálfleik en eins og þú sagðir þá fengu Afturelding kafla þar sem þeir voru mjög sterkir og héldu vel í boltan en þegar varamennirnir komu inn á þá birti svolítið til í leiknum. Mér fannst þeir koma með þennan auka neista í leikinn sem gerði okkur kleift að sigra leikinn.
Luke Rae skoraði 2 mörk í kvöld og lagði upp 1 mark. Hann hefur þá skorað 5 mörk á tímabilinu og átt gott tímabil fyrir Gróttu.
„Auðvitað er ég mjög ánægður með tímabilið. Ég er bara kominn með 5 mörk sem ég er frekar svekktur með, mér finnst eins og það hafa verið nokkrir leikir þar sem ég hefði getað farið betur með færin eins og ég gerði í dag en allt í allt þá er ég ánægður en aldrei fullsáttur með það."
Grótta á lítinn sem engan möguleika á að falla og það er enn töluvert langt í toppsætin, hvað eru þá markmið Gróttu fyrir restina af tímabilinu?
„Við horfum til næsta leiks, við horfum til næstu æfingu. Maður getur horft á heildarsviðið og sagt að við viljum fara upp um deild og að við viljum vinna alla leiki en aðal einbeitingin okkar er á næstu æfingu til að undirbúa okkur fyrir næsta leik."
En telur Luke það vera raunhæfur möguleiki að Grótta fari upp um deild?
„Auðvitað, aldrei að segja aldrei."
Viðtalið má sjá í heild sinni í spilaranum hér fyrir ofan.
