Scott Parker, stjóri Fulham, var ánægður með sína stráka sem sóttu stig gegn Tottenham á útivelli í kvöld.

Liðið spilaði sérstaklega vel í síðari hálfleik og tókst að jafna leikinn með skallamarki frá Ivan Cavaleiro.

„Við byrjuðum leikinn mjög vel að mínu mati. Við stjórnuðum hins vegar leiknum í þeim síðari. Við áttum jöfnunarmarkið skilið og gátum alveg unnið leikinn," sagði Parker.

„Ég er mjög stoltur af þessu liði og því sem við höfum farið í gegnum. Ég veit hvað við höfum þurft að þola síðustu tvær vikur. Það voru leikmenn á vellinum í dag sem náðu aðeins einni æfingu fyrir þennan leik."

„Það sem gladdi mig mest var að við sýndum mikinn vilja og mikla ástríðu. Við höfðum líka gæðin sem þurfti."

Leikurinn í kvöld var fimmta jafntefli Fulham í röð.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit