Dalvíkingar sækja þrjá til Akureyrar (Staðfest)

Hjörtur og Sindri koma frá KA og Bjarmi frá Þór en þeir eru allir fæddir árið 2005.

Þeir hafa allir spilað með liðinu í vetur. Hjörtur er hægri bakvörður og kantmaður, Sindri miðjumaður og vængmaður og Bjarmi vinstri bakvörður og kantmaður.

Hjörtur á leiki með Hömrunum, Sindri hefur einnig leikið með Hömrunum og einnig KF og þá á hann tvo leiki að baki í Mjólkurbikarnum með KA.

Bjarmi lék með samherjum sumarið 2022 og þá hefur hann einnig leikið með Tindastól.