Heimild: Íslendingavaktin 

Ögmundur er lykilmaður við AE Larissa og undir lok desember var greint frá því að hann hefði komist að samkomulagi um nýjan samning. Ekkert hefur þó verið undirritað enn samkvæmt fjölmiðlum í Grikklandi.

Samkvæmt Sportime gæti leið hans legið til AEK í Aþenu, en ekkert verður hins vegar úr þeim félagaskiptum ef markvörðurinn Vasilios Barkas verður áfram í röðum liðsins á næstu leiktíð.

AEK er sem stendur í þriðja sæti grísku úrvalsdeildarinnar þegar leiknar hafa verið 23 umferðir. Félagið er eitt af þeim þremur sigursælustu í Grikklandi og það gríska félag sem hefur náð bestum árangri í Evrópukeppnum.

Frammistaða Ögmundar með Larissa, sem er í 10. sæti af 14 liðum í grísku úrvalsdeildinni, hefur vakið athygli og reglulega koma fréttir af áhuga annarra félaga.