Breiðablik hafði betur gegn Leikni þegar liðin áttust við á fyrsta leikdegi Lengjubikarsins í gærkvöldi.
Staðan var 2-0 í hálfleik fyrir Breiðablik og voru það þeir Höskuldur Gunnlaugsson og Thomas Mikkelsen sem sáu um mörkin. Blikar bættu við tveimur mörkum í síðari hálfleik. Það fyrra skoraði Davíð Ingvarsson á 64. mínútu og Viktor Karl Einarsson rak síðan síðasta naglann í kistu Leiknis.
Bæði þessi lið leika í Pepsi Max-deildinni í sumar. Leiknir vann sér þáttökurétt í deildinni með því að lenda í öðru sæti Lengjudeildarinnar síðasta sumar.
Leikurinn í gær var sýndur beint á Blikar TV en mörkin úr leiknum má sjá hér fyrir neðan. Þriðja markið hjá Kópavogsliðinu kom beint úr hornspyrnu.
Athugasemdir