Tottenham er sagt undirbúa tilboð í heimsmeistarann Emiliano Martinez, sem er á mála hjá Aston Villa.
Það styttist í að hanskarnir fari upp á hillu hjá Hugo Lloris, sem er 36 ára gamall, en hann á aðeins rúmlega ár eftir af samningi sínum við Tottenham. Lloris á heimsmeistaratitil á ferilskrá sinni, líkt og Martinez.
Spurs er farið að skoða markvarðarmálin hjá sér og samkvæmt TyC Sports þá hefur félagið á Martinez. Gæti farið svo að Tottenham geri tilboð í hann á næstu vikum.
Martinez er með samning við Aston Villa til 2027 en honum dreymir um að spila í Meistaradeildinni og það er mögulega eitthvað sem Tottenham getur boðið honum upp á.
Tottenham er sem stendur í fjórða sæti ensku úrvalsdeildarinnar á meðan Aston Villa siglir lygnan sjó.
Athugasemdir