Napoli er búið að staðfesta kaup á miðverðinum öfluga Alessandro Buongiorno sem kemur til félagsins fyrir 40 milljónir evra.
Buongiorno kemur úr röðum Torino og þarf Napoli að greiða 35 milljónir fyrir hann, auk 5 milljóna í árangurstengdar aukagreiðslur.
Antonio Conte tók við Napoli í sumar og setti hann kaup á Buongiorno í forgang, en leikmaðurinn getur einnig spilað sem vinstri bakvörður.
Hann er þriðji leikmaðurinn sem Napoli fær í sumar eftir komu Leonardo Spinazzola og Rafa Marín. Það eru því þrír nýir varnarmenn komnir inn á meðan Piotr Zielinski og Diego Demme eru farnir á frjálsri sölu og Alessandro Zanoli var lánaður til Genoa.
Buongiorno er 25 ára gamall og var í landsliðshópi Ítalíu sem datt út í 16-liða úrslitum á EM. Hann á fjóra leiki að baki fyrir A-landsliðið eftir að hafa verið mikilvægur hlekkur upp yngri landsliðin.
???? Find out more about Alessandro
— Official SSC Napoli (@en_sscnapoli) July 13, 2024
???? #ForzaNapoliSempre | #ProudToBeNapoli | #WelcomeBuongiorno pic.twitter.com/uKkUCtv3Fe
Athugasemdir
