Adebayo Akinfenwa
„Honum verður boðið í sigurhátíðina okkar eftir tímabilið," sagði Jurgen Klopp, stjóri Liverpool í dag aðspurður út í Adebayo Akinfenwa, framherja Wycombe Wanderers.
Akinfenwa er mikill aðdáandi Liverpool og mætti meðal annars í treyju Liverpool á æfingu hjá Wycombe eftir að þeir rauðklæddu urðu enskir meistarar á dögunum.
Eftir að Wycombe komst upp í Championship deildina í gær óskaði Akinfenwa eftir því að Jurgen Klopp, stjóri Liverpool, myndi heyra í honum á whatsapp.
Klopp svaraði kallinu en hann hringdi í Akinfenwa og óskaði honum til hamingju. Klopp tjáði sig um atvikið á fréttamannafundi í dag.
„Ég sá myndbandið af honum á liðsfundinum í LFC treyju og mér fannst það mjög fyndið. Hann svaraði myndbandinu frá mér í gær. Það var gaman. Hann var virkilega ánægður," sagði Klopp í dag.
Are u crazyyyyyyy the man, the myth, the legend sent me a Watsapp. Today can’t get any better. Thank you Klopp #YNWA #Beast20 #BeastMode we did it #champHereWeCome 💪🏿🙏🏿💙 pic.twitter.com/9RgiKZkYt2
— daRealAAkinfenwa (@daRealAkinfenwa) July 13, 2020
Athugasemdir
