Staðan á okkar mönnum er mjög björt

„Ég er mjög ánægður eins og staðan er akkúrat núna. Svo getur það breyst í dag eða á morgun. Það er eitthvað sem maður hefur enga stjórn á. En akkúrat núna er bjartara yfir okkar leikmannahópi en hefur kannski verið undanfarin tvö ár," segir Arnar.

Hann nefnir Jóhann Berg Guðmundsson sem dæmi en hann hefur komist á flug í ensku úrvalsdeildinni og skorað fyrir Burnley tvo leiki í röð.

„Það er mjög jákvætt. Það er enginn úti með langvarandi meiðsli. Ef við tökum til dæmis Jóa þá hefur hann núna náð mörgum leikjum í röð, eitthvað sem hann hefur ekki náð í langan tíma. Einst og staðan er akkúrat núna er þetta mjög bjart."

„Það er jákvætt að strákarnir í Skandinavíu eru á undirbúningstímabili, danska deildin er byrjuð og þetta er allt að byrja. Þeir leikmenn eru ekki þreyttir eftir langt tímabil og það er því gott jafnvægi í því. Ég er bara sáttur eins og staðan er akkúrat núna," segir Arnar.

FIMMTUDAGUR 25. MARS
19:45 Þýskaland - Ísland

SUNNUDAGUR 28. MARS
16:00 Armenía - Ísland

MIÐVIKUDAGUR 31. MARS
18:45 Liechtenstein - Ísland