Van Dijk er talinn einn og ef ekki besti miðvörður heims í dag undir stjórn Jürgen Klopp hjá Liverpool en nokkur lið fylgdust með honum þegar hann var að þróa leik sinn hjá Celtic fyrir sjö árum síðan.

Fjölmörg lið voru á höttunum eftir Van Dijk árið 2015 en hann hafði unnið skosku deildina með liðinu. Warnock bauðst að fá hollenska varnarmanninn fyrir 5 milljónir punda en hafnaði því.

„Virgil van Dijk er sá sem ég sé hvað mest eftir. Þegar ég var hjá Crystal Palace var mér boðið að fá hann fyrir 5 milljónir punda," sagði Warnock við Mirror.

„Yfirnjósnari Palace sagði við mig að hann væri of hægur þannig hann endaði hjá Southampton. Það er algjör synd því þó það vanti smá hraða í hann þá bætir hann það margfalt upp með þeim hæfileika að geta lesið leikinn," sagði Warnock ennfremur.

Van Dijk spilaði í tvö og hálft tímabil með Southampton áður en Liverpool keypti hann fyrir 75 milljónir punda.