Ítalía: Eftirsóttur Albert byrjaði í sigri
Albert er mikilvægur hlekkur í sóknarleik Genoa.
Mynd: EPA
Albert er mikilvægur hlekkur í sóknarleik Genoa.
Mynd: EPA
Genoa 1 - 0 Venezia
1-0 Massimo Coda ('85)
Albert Guðmundsson, leikmaður Genoa í ítölsku Serie B deildinni, er eftirsóttur af nokkrum félögum úr Serie A. Hann var því ekki í byrjunarliði Genoa sem tapaði fyrir Roma í ítalska bikarnum á dögunum en hann fékk að byrja gegn Venezia í dag.
Alberti tókst ekki að skora eða leggja upp en Genoa stóð þó uppi sem sigurvegari og er í þriðja sæti með 36 stig eftir 20 umferðir.
Albert spilaði fyrstu 67 mínúturnar áður en honum var skipt útaf í stöðunni 0-0. Lokatölur urðu 1-0.
Genoa stefnir beint aftur upp í efstu deild með þessu áframhaldi. Ef það mistekst verður Albert frjáls ferða sinna næsta sumar, annars fer hann með Genoa aftur upp í efstu deild á samningi til 2024.
