England í dag - Frestaður leikur á St. James' Park

Það er einn leikur í ensku úrvalsdeildinni í kvöld þegar Newcastle fær Crystal Palace í heimsókn.

Leikurinn átti upphaflega að fara fram 15. mars en var frestað vegna þátttöku Newcastle í úrslitum enska deildabikarsins þar sem liðið vann Liverpool.

Newcastle er í baráttu um Meistaradeildarsæti en liðið getur komist upp fyrir Nottiingham Forest í 3. sæti með sigri. Jason Tindall, aðstoðarmaður Eddie Howe, verður á hliðarlínunni vegna veikinda þess síðarnefnda.

Palace steinlá 5-2 gegn Man City í síðustu umferð. Liðið kemst upp í 11. sæti, upp fyrir Brentford með sigri.