Arnar Gunnlaugsson þjálfari Víkinga var bara nokkuð brattur þrátt fyrir 3-0 tap gegn Breiðablik í 6. umferð Bestu Deildar karla í kvöld.
"Mér reyndar frammistaðan að mörgu leiti góð í dag þetta var alls ekki 3-0 leikur fannst mér. Mér fannst við vera með tökin lungað af leiknum en svo fáum við bara tvö klaufamörk í andlitið alveg hræðileg mörk til að fá á sig og missum menn út af. Í stöðunni 2-0 urðum við bara að reyna eitthvað og reyna sækja markið og settu mjög gott þriðja mark á okkur en þetta var ekki 3-0 leikur ég held að allir geta verið sammála um það" Sagði Arnar í viðtali eftir leik.
Lestu um leikinn: Víkingur R. 0 - 3 Breiðablik
Nikolaj Hansen hefur verið rosalega týndur í tveimur síðustu leikjum Víkinga, Arnar sammála því?
"Já svo sannarlega það er bara ein ástæða fyrir því hann er bara ekki kominn í sitt besta stand, hann átti erfiðan vetur en það þýðir ekki að væla það við erum með fínt lið, fínan leikmannahóp en þegar það vantar Niko og Pablo og svo tekuru Sölva, Kára og Atla frá því í fyrra þá ertu búinn að missa fimm karaktera úr liðinu. Við þurfum bara að koma þessum mönnum í gott stand og nýta vel hvíldina sem við fáum í landsleikjahléinu til að ná mönnum í stand aftur en byrjunin á mótinu eru mikil vonbrigði"
Undirritaður talaði við Arnar eftir vítapsyrnuleikinn fræga gegn Leikni R. og spurði hvernig honum leist á að vera strax farinn að elta Breiðabliksliðið. Er bráðin búin að hlaupa of langt frá þeim?
"Eins og staðan er í dag já. Við erum ekkert að líta á töfluna, við verðum bara að loka á töfluna næstu 5 vikur og sjá til hvernig staðan verður orðin í júlí og taka bara einn leik í einu og vinna okkar leiki og taka stöðuna þá, við eigum eftir að spila örugglega tvisvar við Blikana, þrisvar við Val og KA en eins og staðan er í dag þá erum við ekkert að pæla í þessum efstu liðum"
Viðtalið má sjá í heild sinni hér fyrir ofan þar sem að Arnar talar um rauða spjald Kristals o.fl.
