22. umferð Bestu deildarinnar verður leikin á laugardag, síðasta umferðin áður en kemur að tvískiptingunni, nýja fyrirkomulaginu. Fimm aukaumferðir munu þá bætast við og leikið í efri og neðri deild.

Fram og Keflavík eiga enn möguleika á að komast í efri hlutann en liðin eigast við innbyrðis í Úlfarsárdal. Liðið sem vinnur þarf að treysta á að Stjarnan tapi fyrir FH á sama tíma. Þorvaldur Árnason dæmir leikinn í Úlfarsárdal.

Helgi Mikael Jónasson dæmir leik Víkings og KR en það var mikill hiti þegar hann dæmdi eftirminnilega viðureign þessara liða 2020. Hér að neðan má sjá hverjir dæma leikina á morgun.