Sean Longstaff var slakur þegar Newcastle tapaði 5-2 fyrir Leeds í ensku úrvalsdeildinni í kvöld.
Miðjumaðurinn var frábær seinni hluta tímabilsins 2018/19 undir stjórn Rafa Benitez. Eftir mjög gott tímabil var hann sterklega orðaður við Manchester United, en sagan sagði að Newcastle vildi fá 50 milljónir punda fyrir hann.
Steve Bruce, sem tók við Newcastle sumarið 2019, vildi ekki selja Longstaff, en það hefur lítið gengið upp hjá miðjumanninum undir stjórn Bruce.
Longstaff byrjaði aðeins 14 leiki í ensku úrvalsdeildinni á síðustu leiktíð og í kvöld fær hann að heyra það frá stuðningsmönnum Newcastle á samfélagsmiðlum.
Svo virðist sem margir stuðningsmenn kenni Bruce um það hvernig hefur farið fyrir hinum 23 ára gamla Longstaff. Man Utd prísa sig örugglega sæla að hafa ekki pungað út 50 milljónum punda fyrir hann.
Leiðinlegt að segja en Sean Longstaff er langt frá því að vera nógu góður til að spila fyrir Newcastle.
— Jón Júlíus Karlsson (@JonJKarlsson) December 16, 2020
Er búinn að vera átakanlega slakur lengi en frammistaða hans í kvöld var einhver sú versta sem ég hef séð lengi hjá leikmanni NUFC.
Norðrinu vantar alvöru miðjumenn!
Turned into shite by bruce
— 𝘾𝙤𝙣𝙣𝙤𝙧 🏁🦓 (@ConnorNUFC_) December 16, 2020
Longstaff a shadow of the player he was under Rafa
— NUFC 360 (@NUFC360) December 16, 2020
Athugasemdir