Fótbolti.net

Sölvi: Við gerðum okkar og nú vonar maður að þeir geri sitt

Venni: Ef þetta eru lög þá þarf að óska eftir lagabreytingu

Benoný Breki: Ég þarf að halda áfram að vera jákvæður

„Það er ekkert lið á Íslandi svona gott"

„Ég skoraði nokkur svona á hana á Hlíðarenda"

„Mér finnst rauður fara henni betur"

Séra Davíð Þór fer yfir viðburðaríka mánuði í Skírisskógi - „Stórhættulegur brandari“

Enski boltinn - Horfðu á þáttinn í mynd

„Jói er Breti og ég elska Breta“

„Viðurkenni að það er erfitt að sjá eftir svona mörgum leikmönnum“

Evrópuævintýri Blika heldur áfram - „Tekur alltaf tíma að koma með nýjar áherslur“

„Segir ekki nei þegar Víkingur vill fá þig“

„Viljum ekki fylla í hópinn bara með hveiti heldur þurfum við einhver krydd“

Gummi Magg: Erum mættir til að skrifa söguna

Böddi um skiptin óvæntu: Var ekki í tilfinningalegu jafnvægi

Arnór Gauti: Mun aldrei gleyma lokaflautinu á Laugardalsvelli

Sameiningaviðræður ÍR og Leiknis: Sumir láta hreinlega tilfinningarnar ráða

Gylfi Tryggva: Höfum sótt einn leikmann innanlands og það var landsliðsmaður

Óskar Smári: Klúbburinn hefur þróast í rétta átt

Markadrottningin komin heim: Voru möguleikar úti en Breiðablik besti kosturinn

sun 19. maí 2024 23:24

Guðmundur Aðalsteinn Ásgeirsson
Samsungvellinum

Kristján miður sín: Veit ekki hvort ég sé búinn að segja of mikið

Kristján Guðmundsson, þjálfari Stjörnunnar.

Mynd: Fótbolti.net - Hafliði Breiðfjörð

Stjarnan er úr leik í bikarnum.

Mynd: Fótbolti.net - Hafliði Breiðfjörð

„Það er mjög erfitt að þurfa að kyngja þessu en maður verður bara að gera það," sagði Kristján Guðmundsson, þjálfari Stjörnunnar, eftir tap gegn Breiðabliki í 16-liða úrslitum Mjólkurbikars kvenna í kvöld.

Úrslitin réðust á ótrúlegum vítaspyrnudómi í framlengingunni. Vítaspyrna sem var engan veginn réttlætanleg.

Lestu um leikinn: Stjarnan 3 - 4 Breiðablik

„Það sást alveg strax að það væri ekki um neitt leikbrot að ræða," sagði Kristján en hann var búinn að horfa aftur á atvikið á myndbandinu þegar hann mætti í viðtal eftir leik.

„Ég er búinn að horfa á þetta. Mér leið eins og flestum sem spiluðu með Stjörnunni í kvöld: Mjög illa."

„Fyrsta markið á fyrstu mínútu leiksins er alveg út úr korti. Þá svikum við það hvernig við settum upp leikinn. Það var ekki nógu vel gert. En svo unnum við okkur inn í leikinn. Okkur leið mjög vel með þetta og frammistaðan hjá liðinu var frábær. Það voru leikmenn í okkar lið sem voru ótrúlega góðar," sagði Kristján en það gerði þetta enn meira svekkjandi fyrir Stjörnuna að þær lentu 1-3 undir og komu til baka. Að tapa þessu svona svo.

Að úrslitin ráðist svona í mikilvægum bikarleik er alls ekki nógu gott.

„Þetta er bara eitthvað sem fylgir leiknum, svona atvik. Einhverjum finnst þetta mjög gaman. Mér fannst heildarframmistaðan mjög slök hjá þeim sem dæmdu leikinn. Því miður. Ég veit ekki hvort ég sé búinn að segja of mikið. Ég held að þetta sé allt í lagi. Ég held að ég verði ekki tekinn á teppið. Ég styð það sem verið er að gera að bæta umgjörðina og taka aðeins í lurginn á þjálfurum, en svona hlutir skemma mikið fyrir dómurum," sagði Kristján en hvernig mun ganga fyrir Stjörnuliðið að jafna sig á þessu?

„Það er stærsta verkefnið í þessari viku. Að vinna leikmennina aftur upp í orku. Það er ljóst að það verður verkefni. Þær eru mjög svekktar með þetta."

Hægt er að sjá allt viðtalið í spilaranum hér að ofan.