Gylfi Þór er með fyrirliðabandið hjá Everton og heldur sætinu sínu í fjarveru kólumbíska snillingsins James Rodriguez, sem byrjaði síðasta leik. James byrjar á bekknum í kvöld og heldur Gylfi honum því úr liðinu.

Carlo Ancelotti gerir fjórar breytingar á liðinu sem tapaði óvænt heimaleik gegn Fulham um helgina þar sem Jordan Pickford kemur aftur í markið á meðan Yerry Mina og Michael Keane detta inn í varnarlínuna. Alex Iwobi tekur sæti James í byrjunarliðinu.

Pep Guardiola gerir þrjár breytingar á liðinu sem fór illa með Tottenham um helgina. Hetjan Ilkay Gündogan dettur úr liðinu ásamt John Stones og Oleksandr Zinchenko.

Ruben Dias, Riyad Mahrez og Kyle Walker koma inn í liðið í staðinn.

Everton: Pickford, Godfrey, Holgate, Mina, Keane, Digne, Davies, Doucoure, Sigurdsson, Iwobi, Richarlison.
Varamenn: Olsen, Delph, King, Nkounkou, Rodriguez, Bernard, Gomes, Coleman, Onyango.

Man City: Ederson, Walker, Dias, Laporte, Cancelo, Rodrigo, Mahrez, Bernardo, Foden, Sterling, Jesus
Varamenn: Steffen, Stones, Aguero, Zinchenko, De Bruyne, Torres, Mendy, Fernandinho, Garcia