Í kvöld var greint frá því að FH væru búið að láta þjálfarana Ólaf Jóhannesson og Sigurbjörn Hreiðarsson taka pokann sinn.
FH gerði í kvöld jafntefli við Leikni í kvöld þar sem Leiknismenn jöfnuðu í uppbótartíma. Árangurinn er alls ekki búinn að vera nægilega góður og situr FH í níunda sæti með átta stig.
FH gerði í kvöld jafntefli við Leikni í kvöld þar sem Leiknismenn jöfnuðu í uppbótartíma. Árangurinn er alls ekki búinn að vera nægilega góður og situr FH í níunda sæti með átta stig.
Lestu um leikinn: FH 2 - 2 Leiknir R.
Ólafur er einn sigursælasti þjálfari í sögu Íslandsmótsins og náði hann frábærum árangri með FH frá 2003 til 2007. Þá stýrði hann liðinu þrisvar til Íslandsmeistaratitils og einu sinni bikarmeistaratitils. Hann var ráðinn aftur á miðju tímabili í fyrra þegar Logi Ólafsson var rekinn.
Sigurbjörn Hreiðarsson var svo ráðinn aðstoðarþjálfari hans eftir síðustu leiktíð. Þeir störfuðu saman hjá Val með stórgóðum árangri.
En hver tekur við FH - sem er sofandi risi í íslenskum fótbolta - á þessum tímapunkti?
Undirritaður ákvað að taka saman tíu þjálfara sem gætu verið á blaði hjá Fimleikafélaginu.
Arnar Grétarsson - Gert mjög flotta hluti með KA. Gæti heillað hann að koma aftur á höfuðborgarsvæðið.
Eiður Smári Guðjohnsen - Langlíklegasti kosturinn. Vann frábært starf með FH áður en hann gerðist aðstoðarlandsliðsþjálfari. Var vikið frá störfum hjá KSÍ undir lok síðasta árs vegna áfengisneyslu í landsliðsverkefni.
Erlendur þjálfari - Gæti FH leitað út fyrir strendur Íslands? Danski þjálfarinn Allan Kuhn, sem gerði Malmö að sænskum meisturum, var einu sinni orðaður við Breiðablik. Hann er ekki með neitt gigg eins og er.
Heimir Hallgrímsson - Væri skrítið að hringja ekki allavega í fyrrum landsliðsþjálfarann og kanna stöðuna.
Sigurður Heiðar Höskuldsson - Ungur þjálfari sem hefur náð eftirtektarverðum árangri með Leikni í Breiðholti.
Athugasemdir