Tíu sem gætu tekið við FH

Arnar Grétarsson - Gert mjög flotta hluti með KA. Gæti heillað hann að koma aftur á höfuðborgarsvæðið.

Davíð Þór Viðarsson - Fyrrum fyrirliði og aðstoðarþjálfari í FH.

Eiður Smári Guðjohnsen - Langlíklegasti kosturinn. Vann frábært starf með FH áður en hann gerðist aðstoðarlandsliðsþjálfari. Var vikið frá störfum hjá KSÍ undir lok síðasta árs vegna áfengisneyslu í landsliðsverkefni.

Erlendur þjálfari - Gæti FH leitað út fyrir strendur Íslands? Danski þjálfarinn Allan Kuhn, sem gerði Malmö að sænskum meisturum, var einu sinni orðaður við Breiðablik. Hann er ekki með neitt gigg eins og er.

Heimir Hallgrímsson - Væri skrítið að hringja ekki allavega í fyrrum landsliðsþjálfarann og kanna stöðuna.

Jörundur Áki Sveinsson - Fyrrum aðstoðarþjálfari FH og er núna að þjálfa yngri landslið Íslands.

Ólafur Páll Snorrason - Fyrrum leikmaður og aðstoðarþjálfari FH. Var síðast þjálfari Fjölnis.

Sigurður Heiðar Höskuldsson - Ungur þjálfari sem hefur náð eftirtektarverðum árangri með Leikni í Breiðholti.

Sigurvin Ólafsson - Sinnt flottu starfi hjá KV og sem aðstoðarþjálfari KR. Er fyrrum leikmaður FH.

Tommy Nielsen - Goðsögn í Kaplakrika sem leikmaður. Hefur þjálfað Grindavík og Víði Garði, en er ekki að þjálfa meistaraflokk þessa stundina.