Sandra María var ánægð með leik síns liðs í kvöld þrátt fyrir erfiðleika í byrjun
„Við duttum svolítið niður á þeirra prógramm og mættum ekki alveg nógu agressívar í byrjun leiks. Um leið og við héldum róinni og byrjðum að spila gekk þetta miklu betur. Skilaboðin frá Donna voru einfaldlega að halda áfram og vera rólegar," sagði Sandra María Jessen, fyrirliði Þór/KA, eftir 4-1 sigur á Haukum á Gaman Ferða vellinum fyrr í kvöld.
Lestu um leikinn: Haukar 1 - 4 Þór/KA
„Við vorum búnar að leikgreina þær rosalega vel og horfa á leiki með þeim þannig við vitum að þær eru mjög direct lið. Þær eru með duglega leikmenn fram á við svo við urðum að vera á tánum allan leikinn."
Útlitið er bjart fyrir Þór/KA en þær eru með 8 stiga forskot á toppi deildarinnar. Það má því segja að titillinn sé nánast kominn norður en Sandra María vildi þó ekki segja það.
„Fólk má segja það sem það vill en við þurfum fyrst og fremst að gíra okkur upp fyrir næsta leik. Auðvitað lítur þetta vel út og er í okkar höndum en það er þá líka undir okkur komið að klára þetta."
Donni gerði heiðarlega tilraun til að slá Söndru út af laginu í miðju viðtali. Atvikið ásamt viðtalinu í heild má sjá í spilaranum hér að ofan.
Athugasemdir
