Talið er ólíklegt að enska félagið Liverpool reyni við franska varnarmanninn Loic Bade, sem er á mála hjá Sevilla á Spáni, en þetta segir ítalski blaðamaðurinn Matteo Moretto.
Á dögunum var greint frá því að Liverpool ætlaði sér að fá Bade til að taka við keflinu af Virgil van Dijk.
Van Dijk, sem er 33 ára gamall, verður samningslaus á næsta ári, en samkvæmt ensku miðlunum stendur til að bjóða honum nýjan samning.
Ef það gengur ekki eftir mun Liverpool þurfa að sækja varnarmann í stað hans og hefur hinn 24 ára gamli Bade verið sterklega orðaður við félagið.
Moretto telur þó ólíklegt að Liverpool reyni við Bade á þessum tímapunkti.
Bade hefur ekki enn spilað A-landsleik með Frökkum en hann var hins vegar í Ólympíuliðinu sem fékk silfur á leikunum í París í síðasta mánuði.
Athugasemdir
