Son Heung-min.
Jose Mourinho, stjóri Tottenham, reiknar ekki með því að Son Heung-min muni spila meira á tímabilinu en hann handarbrotnaði í 3-2 sigri Tottenham gegn Aston Villa.
Þessi 27 ára landsliðsmaður Suður-Kóreu meiddist í upphafi leiks í 3-2 sigri gegn Aston Villa á sunnudag en kláraði leikinn og skoraði tvö mörk, meðal annars sigurmarkið í uppbótartíma.
Þessi 27 ára landsliðsmaður Suður-Kóreu meiddist í upphafi leiks í 3-2 sigri gegn Aston Villa á sunnudag en kláraði leikinn og skoraði tvö mörk, meðal annars sigurmarkið í uppbótartíma.
„Ég geri ekki ráð fyrir því að hann spili aftur á tímabilinu. Við munum sakna hans," segir Mourinho.
Son hefur skorað í síðustu fimm leikjum fyrir Tottenham.
Tottenham er þegar án sóknarmannsins Harry Kane og Mourinho hefur ekki marga kosti soknarlega. Hann þarf á stóla á Lucas Moura, Hollendinginn Steven Bergwijn sem kom í janúar og hinn 18 ára Troy Parrott.
„Staðan gæti ekki verið verri. Það er ekkert sem við getum gert. Við þurfum að spila á þeim leikmönnum sem eru heilir. Leikmenn eru farnir að gefa allt í þetta."
Tottenham er í fimmta sæti ensku úrvalsdeildarinnar og mætir RB Leipzig í fyrri viðureign liðanna í 16-liða úrslitum Meistaradeildarinnar annað kvöld.
Athugasemdir
