Það er stórleikur á dagskrá í Evrópudeildinni í kvöld en 16-liða úrslit keppninnar verða kláruð með fjórum leikjum.
AC Milan fær Manchester United í heimsókn á San Siro en þar er allt undir eftir spennandi fyrri leik.
Fyrri viðureigninni lauk með 1-1 jafntefli á Old Trafford og eiga bæði lið því ansi góðan möguleika á að fara áfram.
Zlatan Ibrahimovic, fyrrum leikmaður Man Utd, leikur með Milan í dag og byrjar hann þessa viðureign á varamannabekknum.
Zlatan missti af fyrri leiknum vegna meiðsla en gæti vel komið við sögu í leiknum í kvöld.
Hér má sjá byrjunarliðin.
AC Milan: Donnarumma; Kalulu, Kjaer, Tomori, Theo Hernandez; Meite, Kessie; Saelemaekers, Calhanoglu, Krunic; Castillejo.
Manchester United: Henderson; Wan-Bissaka, Lindelof, Maguire, Shaw; McTominay, Fred; James, Bruno Fernandes, Greenwood; Rashford.
Athugasemdir