Fótbolti.net

Bestur í Mjólkurbikarnum: Vakinn með símhringingu - „Á Jölla mikið að þakka"

Sigdís Eva: Vissum að við gætum þetta og sýndum það í leiknum

Pétur: Það var ekkert lið inni á vellinum

John Andrews: Vorum að spila gegn líklega besta liði landsins

Kallaði þetta gott eftir fimm hnéaðgerðir og fær góð ráð frá pabba sínum

Þurfti að róa Pablo eftir leik - „Leikmenn eiga ekki að skipta sér af áhorfendum“

„Ef þetta heldur svona áfram verða bara allir í banni eftir smá stund"

Hefði sætt sig við jafntefli - „Ég held að við höfum reynt 5 eða 6 plön í þessum leik“

Alex Freyr ósáttur: Þetta er bara sorglegt

Eysteinn á von á geggjuðum leik - „Jölli er alltaf Jölli í Portúgal"

Arnór Smára: Hafði persónulega mikla þýðingu fyrir mig

Draumadráttur Jökuls: Augnablik á stóran hluta af mínu hjarta og mun alltaf gera

Kjartan Henry: Hallgrímur sá ekki til sólar eftir það

Var vítaspyrnudómurinn í Árbæ rangur?

Lék sinn fyrsta leik í efstu deild og vildi víti - „Fann fyrir snertingu og lét mig detta"

Líður eins og Valsarar hafi tapað leiknum - „Hafði aldrei trú á því að hann væri að fara skora"

Arnar Grétars: Gerði mikið fyrir okkur að vera með frábæran markmann

Svekktur yfir því að vinna ekki Val - „Mjög dapurt víti, svo við tölum hreint út“

Jón Þór: Bíð jafn spenntur og þú

Viktor Jóns: Get skorað mörk hvar sem er

sun 18. ágúst 2019 18:33

Arnar Daði Arnarsson

Hreinskilinn Halldór Páll: Hef verið virkilega lélegur í sumar

Halldór Páll Geirsson markvörður ÍBV.

Mynd: Fótbolti.net - Hafliði Breiðfjörð

Mynd: Benóný Þórhallsson

Mynd: Fótbolti.net - Hafliði Breiðfjörð

Það var ansi hreinskilinn Halldór Páll Geirsson, markvörður ÍBV sem mætti í viðtal eftir jafntefli liðsins gegn KA á heimavelli í 17. umferð Pepsi Max-deildarinnar í dag.

Halldór Páll var hetja liðsins er hann varði víti frá Hallgrími Mar Steingrímssyni á 94. mínútu leiksins.

Lestu um leikinn: ÍBV 1 - 1 KA

„Ég hef verið virkilega lélegur í allt sumar og það sjá það allir sem horfa á leikina hjá okkur. Mér leið mjög vel allan leikinn og fyrir leikinn. Ég veit ekki hvort það sé vegna þess að það er engin pressa lengur. Mér fannst ég alltaf vita að ég væri að fara verja þetta víti," sagði Halldór Páll sem var ekkert að skafa af hlutunum. Hann segir margt spila inní frammistöðu hans og liðsins í sumar.

„Ég get ekki talið það allt upp. Það er rosalega margt sem er búið að vera í gangi, bæði hjá mér og hjá félaginu. Það hefur gengið mjög illa hjá mér í sumar og ég hef verið rosalega lélegur og það eru ýmsar ástæður fyrir því. Þetta er mest megnis allt mér að kenna hugsa ég."

Hann segir að Pedro Hipolito, fyrrum þjálfari ÍBV hafi ekki verið hans týpa og að Halldór hafi frá fyrsta degi viljað að Ian Jeffs yrði þjálfari liðsins.

„Ég vildi alltaf hafa Jeffs sem þjálfara, líka í upphafi undirbúningstímabilsins. Ég held að það sé mjög jákvætt fyrir okkur að vera með hann. Pedro var flottur en hann var ekki alveg mín týpa."

En hvernig er það að undirbúa sig fyrir síðustu leiki liðsins þar sem allt bendir til þess að liðið sé á leið í Inkasso-deildina?

„Það hefur verið erfitt og við erum raunsæir með það að við erum í rauninni fallnir. Við ætlum að reyna enda þetta á góðum nótum og hafa þetta svolítið skemmtilegt. Ég held að það sé ekki einu sinni 200 áhorfendur sem mæta á leiki hjá okkur og við erum að spila leiðinlegan fótbolta og það gengur illa. Við ætlum að reyna enda þetta aðeins skemmtilegra."

„Við æfðum rosalega vel í allan veturinn og byrjuðum í nóvember að æfa tvisvar sinnum á dag og ég held að það sé að hafa rosalega mikil áhrif núna. Menn eru andlega búnir núna. Við sennilega æfðum of mikið og það er að koma niður á okkur núna. Við erum andlega búnir á því."

„Umræðan hefur verið mjög neikvæð. Það er ekkert sem hefur áhrif á okkur. Það lesa allir Fótbolti.net en ég held að þetta hafi engin áhrif á okkur þó svo að umræðan hafi verið mjög neikvæð," sagði Halldór Páll sem er staðráðinn í að vera áfram í Eyjum á næsta tímabili.

„Ég ætla fara aftur upp með ÍBV á næsta ári," sagði Halldór Páll að lokum.