Kepa Arrizabalaga, varamarkvörður Chelsea, staðfesti í viðtali í gær að hann hafi fengið tækifæri til að yfirgefa úrvalsdeildarfélagið í sumar en hafnað því.
Kepa var keyptur til Chelsea fyrir metfé fyrir markvörð en stóðst ekki væntingar. Senegalski landsliðsmarkvörðurinn Edouard Mendy er með byrjunarliðssætið sem stendur og fær Kepa að spila bikar- og Evrópuleiki.
„Ég hafði möguleika á að yfirgefa Chelsea í sumar, það voru áhugasöm félög en Chelsea fullvissaði mig um að ég væri partur af leikmannahópinum. Stjórnendurnir fullvissuðu mig um að þeir vildu halda mér hjá félaginu," sagði Kepa.
„Við skoðuðum tilboðin og greindum stöðuna í sameiningu og ákváðum svo að það væri best fyrir mig að vera áfram hjá þessu frábæra félagi."
Kepa er 27 ára gamall og á ellefu landsleiki að baki fyrir Spán. Hann er á sínu fimmta ári hjá Chelsea og á 126 leiki að baki fyrir félagið.