Mesut Özil, leikmaður Arsenal, fær ekkert að spila með liðinu þessa dagana eins og flestir vita en hann er ekki í leikmannahópi liðsins í úrvalsdeildinni.
Margir kalla eftir því að Özil fái sénsinn á nýju ári en gengi Arsenal hefur vægast sagt verið lélegt á þessu tímabili.
Liðið tapaði 2-1 gegn Everton á útivelli í dag og er í 15. sæti deildarinnar með aðeins 14 stig eftir 14 leiki.
Eftir tapleikinn í kvöld setti Özil inn athyglisverða færslu en þar gefur hann til kynna að hann sé ansi sár eftir að hafa horft á viðureignina.
Özil er mjög skapandi miðjumaður en það er mögulega það sem vantar í sóknarleik Mikel Arteta.
Óvíst er hvort það sé ákvörðun Arteta að nota Özil ekki en hann gæti vel verið á förum frá félaginu á næsta ári.
Özil setti inn brotið hjarta á Twitter-síðu sína í kvöld eins og má sjá hér.
💔😢
— Mesut Özil (@MesutOzil1088) December 19, 2020
Athugasemdir