Kantmaðurinn Jónatan Ingi Jónsson hefur verið að koma virkilega sterkur inn hjá Sogndal í Noregi.
Jónatan var keyptur til Sogndal frá FH fyrr á þessu ári. Í dag gerði hann sitt fjórða deildarmark fyrir félagið í sterkum útisigri gegn Skeid í norsku B-deildinni.
Jónatan og Valdimar Þór Ingimundarson byrjuðu leikinn fyrir Sogndal og spiluðu báðir allan tímann. Bakvörðurinn Hörður Ingi Gunnarsson var ónotaður varamaður hjá Sogndal.
Á 78. mínútu gerði Jónatan þriðja mark Sogndal og kom liðinu í 1-3. Það skipti miklu máli að lokum því leikurinn endaði 2-3.
Sogndal er í sjöunda sæti af 16 liðum eftir þennan flotta sigur; liðið er með 17 stig eftir tíu leiki.
Athugasemdir