„Ég get sagt að dagurinn í dag er ekki sá dagur sem við tilkynnum Lukaku," sagði Marotta við Radio Rai. „Lukaku og [Paulo] Dybala eru skotmörkin okkar en við þurfum að skoða fjárhagslegu hliðina."

„Við erum að ræða við þessa leikmenn og verðum glaðir ef við náum að krækja í þá. Ef ekki þá munum við skoða aðra möguleika."

Inter þarf að greiða um 8,5 milljónir punda til Chelsea fyrir að fá Lukaku á láni. Lukaku kom að 80 mörkum á tveimur árum sínum hjá Inter í aðeins 95 leikjum og hjálpaði liðinu að vinna deildina undir stjórn Antonio Conte.

Marotta segir þá frá því að Andre Onana og Henrikh Mkhitaryan verði kynntir sem nýir leikmenn Inter á næstu dögum.