| lau 20. júlí 2019 16:18 |
|
Kalli: Frammistaðan mögnuð
Jóhannes Karl á hliðarlínunni í dag.
„Þetta er bara frábært þetta verður ekki betra en þetta frammistaðan hjá þessu liði var hreint út sagt mögnuð bara andinn og það sem þær lögðu í leikinn" sagði Jóhannes Karl Sigursteinsson, Kalli, þjálfari KR eftir sigur á Þór/KA.
Lestu um leikinn: KR 2 - 0 Þór/KA
Jóhannes er nýtekinn við KR en Ragna hefur verið að stýra því í síðustu leikjum og náð góðum árangri.
„Leikurinn snýst ekkert um mig þegar vel gengur og tveir sigrar komnir í röð, ég kem meira inn meira bara til að styðja við að það haldi áfram og leggja við það sem ég get því liðið virkar best þegar þú getur fundið út hvernig á að virkja kostina best."
Hvað var það sem fékk Jóhannes til að taka við KR-liðinu?
„Fyrst og fremst ég hafði tækifæri til og langaði gefa af mér. En ef ég lít á deildina þá hefur hún ekki verið svona skemmtileg í mörg mörg ár, auðvita eru tvö lið efst að berjast um titillinn en svo er öll hin liðin á ótrúlega jöfnum stað og þegar ég fékk tækifæri til að koma og kíkja á KR-liðið þá var aldrei spurning um að koma hingað." Sagði Jóhannes að lokum.
Viðtalið í heild sinni má sjá í spilaranum hér að ofan.
Athugasemdir
Nýjustu fréttirnar
