Varnarmaðurinn fjölhæfi Jón Guðni Fjóluson er lentur í Bergen í Noregi þar sem hann þarf að gangast undir læknisskoðun og skrifa undir samning við Brann.
Hinn 31 árs gamli Jón Guðni er án félags eftir að hafa spilað fyrir Krasnodar í Rússlandi síðustu tvö ár en þar áður var hann á mála hjá Norrköping og Sundsvall í Svíþjóð.
Jón Guðni á 17 keppnisleiki að baki fyrir íslenska landsliðið og verður mikill liðsstyrkur fyrir Brann sem er um miðja deild í norska boltanum, með 22 stig eftir 17 umferðir.
Hann nær ekki leik dagsins gegn Alfons Sampsted og félögum í toppliði Bodö/Glimt en allt ætti að vera frágengið fyrir leikinn gegn Kristiansund um næstu helgi.
Jón Guðni getur spilað sem miðvörður, miðjumaður og vinstri bakvörður.
Athugasemdir