Í tilkynningu félagsins segir að leikmennirnir þrír séu núna í einangrun.

Allir leikmenn og starfsmenn aðalliðsins fóru í próf út af kórónuveirunni í þessari viku en félagið bíður enn eftir um helmingi af niðurstöðum úr þeim prófum.

„Allir þrír leikmennirnir eru hressir og fullkomlega rólegir," sagði Mark Catlin, framkvæmdastjóri Portsmouth. „Þeir eru með mild eða jafnvel engin einkenni."

Leikmenn og starfsmenn Portsmouth voru prófaðir vegna leik þeirra gegn Arsenal í FA-bikarnum í byrjun þessa mánaðar. Nokkrir leikmenn Arsenal komust í nálægð við Evangelos Marinakis, eiganda Olympiakos, að kvöldi leik liðanna í Evrópudeildinni. Marinakis, sem er einnig eigandi Nottingham Forest á Englandi, staðfesti að hann væri með kórónuveiruna 10. mars.

Nokkrum dögum síðar var Mikel Arteta, stjóri Arsenal, greindur með veiruna, en sagt var að smit Arteta tengdist ekki Marinakis.