Óskar Elías Zoega Óskarsson, Jóhann Ingi Þórðarson, Andri Erlingsson og Víðir Þorvarðarson skoruðu mörk KFS í 4-0 sigrinum á Skallagrími á Hásteinsvelli í kvöld.

Víðir kom til KFS á láni frá ÍBV og skoraði í fyrsta leik en hann gæti reynst þeim mikilvægur í fallbaráttunni.

KFS er með 10 stig í 8. sæti deildarinnar eftir tólf leiki en Skallagrímur með 7 stig í sætinu fyrir neðan.

Tindastóll vann þá auðveldan en að sama skapi óvæntan 4-0 stórsigur á Hamri.

Sverrir Hrafn Friðriksson og Manuel Ferriol Martínez skoruðu tvö mörk með stuttu millibili í fyrri hálfleiknum og þá gerðu þeir Maxime Walid Wester og Viktor Smári Sveinsson tvö í þeim síðari.

Tindastóll er í öðru sæti með 25 stig, jafnmörg og topplið Ýmis, en Hamar í 3. sæti með 20 stig.

KFS 4 - 0 Skallagrímur
1-0 Óskar Elías Zoega Óskarsson ('12 )
2-0 Jóhann Ingi Þórðarson ('18 )
3-0 Andri Erlingsson ('59 )
4-0 Víðir Þorvarðarson ('78 )

Tindastóll 4 - 0 Hamar
1-0 Sverrir Hrafn Friðriksson ('31 )
2-0 Manuel Ferriol Martínez ('33 )
3-0 Maxime Walid Wester ('57 )
4-0 Viktor Smári Sveinsson ('90 )