Það voru tveir leikir á dagskrá í deild þeirra bestu í Þýskalandi þennan sunnudaginn.
Eintracht Frankfurt hefur verið að finna taktinn eftir erfiða byrjun. Í dag unnu þeir sinn þriðja leik í röð er þeir heimsóttu Freiburg, sem hefur komið mjög á óvart í byrjun tímabilsins.
Jesper Lindström kom Frankfurt yfir á 34. mínútu og fyrir leikhlé bætti Filip Kostic við öðru marki.
Freiburg var sterkari aðilinn í leiknum en Frankfurt náði að halda út og landa góðum, 0-2 sigri.
Frankfurt hefur unnið þrjá leiki í röð í öllum keppnum og er liðið núna í 11. sæti með 15 stig. Freiburg er áfram í þriðja sæti 22 stig.
Þá skildu Mainz og Köln jöfn, 1-1. Þetta var jafn leikur og jafntefli líklega sanngjörn úrslit. Mainz er í áttunda sæti og situr Köln í 12. sætinu.
Freiburg 0 - 2 Eintracht Frankfurt
0-1 Jesper Lindstrom ('34 )
0-2 Filip Kostic ('43 )
Mainz 1 - 1 Koln
1-0 Jonathan Michael Burkardt ('41 )
1-1 Salih Ozcan ('47 )
Athugasemdir