Í leik með Keflavík sumarið 2020.
Fyrrum unglingalandsliðsmaðurinn, Björn Bogi Guðnason, er kominn heim frá Hollandi og samkvæmt heimildum Fótbolta.net er hann búinn að semja við Keflavík.
Björn Bogi er tvítugur sóknarmaður sem fór til Heerenveen í Hollandi sumarið 2021 en fór samkvæmt Transfermarkt frá félaginu í mars 2023. Hann hefur verið á Íslandi síðustu misseri en ekkert spilað.
Björn Bogi er tvítugur sóknarmaður sem fór til Heerenveen í Hollandi sumarið 2021 en fór samkvæmt Transfermarkt frá félaginu í mars 2023. Hann hefur verið á Íslandi síðustu misseri en ekkert spilað.
Hann er uppalinn hjá Keflavík og var á láni hjá Víði seinni hluta tímabilsins 2020. Hann skoraði þrjú mörk í sjö leikjum með Víði eftir að hafa spilað fjóra leiki með Keflavík fyrri hluta tímabilsins.
Björn Bogi er fæddur árið 2003 og á að baki þrjá leiki fyrir yngri landsliðin; tvo leiki með U15 landsliðinu og einn með U19 haustið 2021.
Athugasemdir
