Liðið vann góðan 3-2 sigur á Manchester United þökk sé sigurmarki frá Eddie Nketiah undir lok leiks og er Arsenal nú með 50 stig á toppnum.

Arsenal-liðið sem vann deildina árið 2003/2004 og tapaði ekki leik var með 45 stig eftir fyrstu nítján leikina en liðið hans Mikel Arteta bætti það met.

Þetta er því besta byrjun Arsenal í sögu úrvalsdeildarinnar og greinilega allt á réttri leið undir stjórn spænska þjálfarans.

Þá á liðið möguleika á að bæta forystu sína í átta stig en liðið á leik inni á Manchester City sem er í öðru sæti.

Þessi byrjun er í 7. sæti yfir bestu byrjun allra tíma. Liverpool og Manchester City deila toppsætinu með 55 stig eftir nítján leiki.