Segir Val ekki hafa rætt við Söru - Ekki boðið í Natöshu
Mynd: Fótbolti.net - Jónína Guðjörg Guðbjartsdóttir
Mynd: Fótbolti.net - Jónína Guðjörg Guðbjartsdóttir
Valur hefur ekki sett sig í samband við Söru Björk Gunnarsdóttur sem er að leita sér af félagi í dag. Þá hefur félagið einnig ekki haft samband við Natöshu Moraa-Anasi Erlingsson en þetta staðfesti þjálfari liðsins, Pétur Pétursson, í viðtali við Fótbolta.net í gærkvöldi eftir sigur Vals á FH.
Heyrst hafði að Valur hafi sett sig í samband við Natöshu um möguleg félagskipti til Íslandsmeistarana á Hlíðarenda. Pétur svaraði því mjög einfaldlega þegar hann var spurður út í það hvort Valur væri búið að ræða við Natöshu.
„Nei.“
Þá staðfesti Pétur einnig að félagið hafi ekki heyrt í Söru Björk. Sara Björk yfirgaf Juventus á dögunum en hún hefur verið orðuð við deildina í Sádí Arabíu.
Lítið hefur heyrst af framtíðaráformum fyrrum landsliðsfyrirliðans en hún og Valur hafa allavegana ekki fundað. Pétur gaf aftur mjög stutt og einfalt svar þegar spurt var út í hvort Valur hafi heyrt í Söru.
„Nei.“
Sara Björk til Sádi-Arabíu?
